مواطن في جزارات كسلا يضرب أروع الأمثال ببيع كيلو العجالي ب28 ألف جنيه

 

كسلا : نادية عبدالقادر

تعتبر مهمة الجزيرة من أقدم المهن وأكثرها ارتباطاً بحياة المواطن اليومية، فهي لا تقتصر على البيع والشراء فقط، بل تمثل حلقة مهمة في الأمن الغذائي وصحة المجتمع.
ورغم أهميتها، إلا أن هذه المهنة تواجه اليوم تحديات كبيرة، أبرزها الارتفاع الكبير في أسعار اللحوم، وتراجع القوة الشرائية للمواطن، بالإضافة إلى مشاكل الذبح والرقابة الصحية وغلاء العلف والايجار
في السوق الكبير بكسلا (الجزارات) التقينا بأحد الجزارين الشباب [محمدعبدالهادى محمد ا]، والذي يعمل في هذه المهنة منذ أكثر من [.10 أعوام] ليحدثنا بكل صراحة لماذا عن لماذا يبيع اللحمة بسعر اقل من سعر السوق رغم ارتفاع الأسعار الحوم ضعف سعره ومعه (،3)من الجزاراين علما بان بالجزارة (70) محلا لانواع اللحوم وعن اقع المهنة، وأسرارها، مشاكلها، ورسائله للمواطن والمسؤول.

فإلى نص الحوار. الاسم والعمر والمنطقة ؟ محمد عبد الهادي محمد من ابناء ولاية كسلا ( حى البرنو) عمرى (22) عاما . كم فترة وانت تزاول هذه المهنة؟ وكيف بدات ؟ وهل بالوراثة ام كانت هواية ؟
أنا لي سنين طويلة في المهنة دي، وبديتها وراثة من أهلنا الكبار، اتعلمتها منهم من وأنا صغير، والحمد لله حبيناها واستمرينا فيها بالأمانة. ما الفرق بين الجزارة زمان والان ؟
زمان الجزارة كانت ساهلة والبهيمة رخيصة والمواطن بشتري كتير. هسي بقت صعبة٠ أسباب ارتفاع اللحوم ؟ سعر العلف غالي والترحيل غالي والضرائب كتيرة، عشان كده سعر اللحمة زاد بالصورة دي. ٠. لماذا تبيع اللحمة الكيلو ب(28) هل هناك جهة بتدعمك؟ ومن اين؟
لا يوجد جهة تدعمنى اشترى من كبار تجار المواشى بالأجل من الزريبة والقرى حول كسلا بعد يومين اسدد وهكذا واذا خسرت او تعثرت فى السداد فلن يمنحونى مرة اخرى ودى اصول العمل ٠. وسعرها بكم؟ وبتعبيوا كم كيلو في اليوم؟ وهل السعر دة بيغطى ؟
. سعر البهيمة بختلف حسب السعاية، في بهيمة سمينة وغالية وفي بهيمة تعبانة. في اليوم بنبيع على حسب السوق، مرات 50 كيلو ومرات 100 كيلو، الرزق على الله.٠ الذبح اين يتم ؟ وهل في رقابة بيطرية وصحية يومية؟
الذبح بتم في المسلخ الرسمي، ما بنذبح برانا ساي. في رقابة بيطرية يومية، الدكتور البيطري بكشف على البهيمة قبل الذبح وبعد الذبح، وبعداك بتتختم بالختم الأحمر.
كيف بتتأكد إنو اللحمة سليمة ونظيفة للمواطن؟
بنعرفها من الختم الأحمر، أي لحمة فيها الختم الأحمر معناها مكشوف عليها من الدولة، بكون مكتوب فيهو اسم الولاية واسم المسلخ ووزارة الصحة ونوع اللحم ضأن ولا عجالي. ده هو الضمان إنها سليمة وآمنة. كيف تتعاملون مع اللحمة البايتة؟
اللحمة البايتة لازم تكون محفوظة في تلاجة نضيفة وتبريدها فل. نحنا هنا شغلنا ماشي واللحمة ما بتبيت كتير، ولو باتت بنحفظها بطريقة صحية وما بنبيعها للزبون على أساس إنها جديدة، الأمانة أهم حاجة.
أكتر مشكلة بتواجهكم شنو؟ الكهرباء ولا العلف ولا الضرائب؟
أكتر مشكلتين الكهرباء والسيولة. الكهرباء بتقطع كتير واللحمة بتحتاج تبريد 24 ساعة. والتانية عدم السيولة، بكون شايل لحم قيمتو 5 مليار والزبون ما عندو كاش وبنكك ما شغال. وفوق ده الضرائب كل شوية قسيمة ورسوم جديدة ونحنا شغالين بهامش ربح بسيط.
هل في منافسة من اللحوم المستوردة والمجمدة؟
في منافسة لكن في الجودة بس. لحمتنا البلدية طازة ومذبوحة اليوم ومضمونة، أما المستوردة والمجمدة دي انت وحظك، في بهيمة سمينة وفي بهيمة ماكلة ملح ساي. عشان كده المواطن بيثق في البلدية أكتر.
ماهى رسالتك للمسؤولين لكى يوفقوا اوضاع الجزارين؟
رسالتنا يشدّدوا لينا الرقابة، لأنو الرقابة لمصلحة المواطن أول حاجة عشان اللحمة تمشي نظيفة وسليمة. ولما الرقابة تتشدد الأسعار إن شاء الله بترخص والوضع بتحسن، ويراعو لينا في الضرائب والكهرباء.
*رسالتك الأخيرة للمواطن بخصوص استهلاك اللحوم؟*
رسالتي للمواطن الناس تتشايل مع بعض. اللحمة غالية والناس ظروفها صعبة، الزول لو عندو يدي الما عندو، الجيران يتشاركو في الخروف والكيلو، الناس تتكاتف وتتراحم وربنا يصلح حال البلد. ٠. رسالتك الأخيرةلزملائك الجزارين؟
نصيحتي لإخواني الجزارين يرحموا بعض وما يتنافسوا في شراء البهايم في الزريبة. لما تشتري البهيمة غالية من هناك لابد تبيع غالي هنا والمتضرر هو المواطن المسكين. الناس تحاول تتفق وتشتري بالمعقول عشان تبيع بالمعقول.

—